محترم قارئین السلام علیکم! عبقری ٹوٹکہ سیکشن میں اپنے آزمودہ چند ٹوٹکے بھیج رہی ہوں‘ یقیناً آپ اس سے خوب مستفید ہوں گے۔1۔ جب کہیں جانا ہو یا چیزیں‘ گرم کپڑے یا کمبل رضائیاں وغیرہ پیک کرکے رکھنے ہوں جس طرح گرمی کا موسم آنے پر سردی کے کپڑے وغیرہ سنبھالنے ہوتے ہیں تو الگ الگ باندھنے ہوں یا پلاسٹک کے بیگز میں اکٹھے رکھنے ہوں تو منہ ہاتھ دھونے والا صابن ٹکڑے ٹکڑے کرکے ساتھ رکھ دیں تو پانچ چھ ماہ بعد نکالیں گے توکیڑا وغیرہ بھی بالکل نہیں ہوگا اور بہت اچھی خوشبو بھی آئے گی۔2۔اگر کپڑوں پر پٹرول یا آئل وغیرہ لگ گیا ہو تو وہ دھونےسے صاف نہ ہوتا ہو تو اس پر ڈالڈا گھی یا کوئی بھی پکانے کا آئل لگا کر خوب ملیں اور کچھ دیر چھوڑ کر پھر ملیں اور رگڑ رگڑ کر دھوئیں پھر صابن یا سرف اور خوب گرم پانی ڈال کر دھوئیں‘ داغ صاف ہوجائے گا۔3۔ اسی طرح اگر سفید کپڑے پر لوہے کے زنگ کا داغ لگ گیا ہو تو لیموں کا رس لگا کر چھوڑ دیں‘ تھوڑی دیر بعد خوب رگڑ کر صاف کرلیں اور بار بار لگا کر چھوڑ دیں صاف ہوجائے گا۔ (م،خ۔ک)
عبقری ٹوٹکہ سیکشن:قارئین! بعض اوقات لاعلاج بیماریوں میں جہاں بڑی بڑی ادویات اور مہنگے علاج ناکام ہوجاتے ہیں وہاں چھوٹے چھوٹے ٹوٹکے کارگر ثابت ہوتے ہیں جنہیں بظاہر کوئی اہمیت نہیں دی جاتی تو قارئین آپ مستقل بڑے بوڑھوں کے وہ ٹوٹکے سنے یا آزمائے ہوئے ضرور لکھیں‘ عبقری نے ایک ٹوٹکہ سیکشن قائم کیا ہے تاکہ مخلوق کی خدمت ہو اور انسانیت کو نفع پہنچے۔نوٹ: ایسے ٹوٹکے بھیجیں جن میں ادویات کا استعمال نہ ہو اور کہیں ایسا نہ ہو کہ ٹوٹکوں والی کتاب اٹھا کر سارے ٹوٹکے لکھ کر بھیجیں ایسا ہرگز نہ کریں۔ صرف آزمودہ اور سینے کا راز ٹوٹکے ہی بھیجیں۔